مشكله في عصب القدم اليسرى

السلام عليكم

شيخي الفاضل ممكن علاج لعصب قدمي اليسرى.

راجعت اطباء مستشفى اليرموك في بغداد اكيد تعرفها

رحت القسم المفاصل حولوني على الكسور وبعد الانتظار حتى يأتي دوري وقام الدكتور بفحصي (ارفع رجلك نزل رجلك اثني رجلك ، ونام على بطنك وارفعها...الخ ) استنتج الدكتور استنتاج عجيب حيث قال ليس لديك كسر !! واني جايه مشي ؟؟ صفنت هذا شجاوبه ههههههه
المهم بعد عناء طويل واسئلته الغريبه گلي عندك مشكله بعصب رجلك وانطاني دوه شريط كبسول 20 كبسوله وبراستول الميفارگهم بكل راچيته لازم يكتبون براستول ههههه.وبعد مكملت الدوه اي تحسن مشفت اضافه الى هذا اني ماعندي ثقه بأطباء العراق لان الاغلبيه مادين وميهمه علاج المريض بگد ميهمه جيبه وشگد راح يدخل بي.

أكثر الاشياء الاتأذيني برجلي
1- من اربع واگعد (طبعا الاعظاء المن غير دول مراح يفتهمون شنو أربع ههههه)
2- الركوع بالصلاه ألا أثني رجلي للامام يله اگدر اركع
3-من أجلس على اريكه (قنفه) اسفنج او ديباج من هاي النوعيات المو قويه بس تگعد عليه تنزل متر جوه حيل اتأذه بيهه
4-الم مفاجأ ما اعرف شنو السبب يعني اني جالس وبشكل طبيعي وما اكو الم وبشكل مفاجأ يبدي الالم فأنهض مباشره واتمشى
5-اثناء المشي ما اكو اي الم وحتى واني واقف ما احس بأي مشكله برجلي

وأعتذر على الاطاله وانتظر ردك بفارغ الصبر لان مليت واريد اتعالج للعلم مشكله العب صارلها 5 اشهر تقريبا واني صابر عليه

تحياتي الك سيد الروحانيين العرب الشيخ ابو هدى البغدادي

وأتمنى من الله عز وجل ان يزيدك من العلم والمعرفه .


وفـــقــک الله