اسئلة كتير محيرانى ياريت الرد من الشيخ أبو هدى البغدادي او من الشيوخ الكرام

اولا السلام عليكم ورحمة الله وبركاته تحياتى لكل اعضاء ومشرفين المنتدى جزاكم الله خير

معلش انا هاطول عليكم بس انا الصراحة هو موضوع مغير حياتى وحياة مراتى والصراحة مش فاهم ايه الصح وايه الغلط  
**انا متزوج من 3 سنين وعندى ولد عمره سنتين المهم انا وزجتى  لينا اصحاب فى المنتديات ومواقع التواصل الاجتماعى فى اطار الاحترام والاخوة من حوالى 4 شهور فى واحد بالصدفة اتكلم مع مراتى بس هى كانت بترفض تتكلم معاه بس فى يوم كان الواحد ده منزل بوست عن ادعية لفك الكرب والرزق وكده المهم مراتى عملت كومنت فكلمها وبدأ بالسلام فردت عليه السلام عادى وبعدين قالها ثوانى هاصلى الفجر وانتى كمان صلى الفجر  ردت وقالتلو  انها كل ماتيجى تصلى فى حاجه بتمنعها من الصلاة قالها انو ليه فى الروحانيات وكده هى ماكنتش مصدقة المهم طلب اسم والدتها  فهى  قالت تشووف اخر الموضوع وقالتلو المهم بدأ يقولها حاجات كتير عن حياتها وعن حاجات بتحصلها حاجات انا نفسى ماعرفهاش عن المشاكل الموجوده  فى حياتنا وكده فضل يقول حاجات عن حياتنا انا بس ومراتى نعرفها  المهم هو قال ان فى حاجتين  عاملين مشاكل فى حياتنها  اول حاجه ان الشقة فيها سحر وحاجات مرشوشة للناس اللى ساكنين قبلنا فى الشقة  وقعلا الناس اللى قبلنا  حصل بينهم مشاكل كتير وصلت للطلاق وحالتهم المادية فضلت تقل مع العلم انهم   كانو اغنياء ومع الوقت  حصل معاهم مشاكل وديون لغاية ماسابو بعض   وتانى حاجه  ان معمل لمراتى سحر بالخراب وقلة الفلوس واللى عامل العمل ده واحده من عيلة مراتى بس رفض يقول مين وكمان  قالها روحى اٍسالى والدتك ايه اللى قالو خالك لوالدتك  بعد الخطوبة  المهم مراتى كانت مستغربة وحاكتلى الموضوع ده  انا ماكنتش مصدق وطلبت منها انها تسأل والدتها وتشوف  تانى يوم فعلا سألت والدتها  فعلا   خال مراتى قاعد فى السعودية من زمان وفى شيخ قابلو وسألو انت عندك بنات  رد  وقال لا  قالو   بتعول  بنات  قالو اه ولاد اختى   قالو  خللى بالك فى واحدة منهم ممسوسة طبعا مراتى استغربت وبليل كلمت الراجل ده تانى طل منها صورة بالحجاب بس تكون عنيها واضحة فى الصورة المهم بعتتلو صورة عاديه جدا بالحجاب المهم  قالها ان فى عمل او سحر معمول بالخراب ان ماتجوزيش وتكون حياتك خراب مع الوقت وأمر ربنا بس اللى خلى جوازنا يتم وان المس او السحر ده  وصل انه بيضر والدتك بالديون وبيضر جوزك فى شغلو بالديون وان مش بيعرف يلم فلوس وبيضر اختك انها بترفض كل العرسان وبيضر والدة جوزك بالمرض وكمان قالها على فكرة اللى عملك العمل  سخر جن كافر او ماجوسى  الصراحة مش فاكر  واما اللى سخر الجن مات   الجن بقى حر وكمان الجن ده عشقك  وبسبب كده جوزك مش بيقربك  طبعا  مراتى اما سمعت كل ده  تأكدت ان كل اللى بيحصل حقيقى ودى فعلا حياتنا  كمان قالها ان دلوئتى انتى عارفة حقيقة الموضوع وهيبدأ ان يكون فى حاجات غريبة تحصلك واداها ادعية وطلب منها تقرا سورة البقرة وايه الكرسى لغاية ماينزل ويشوف الموضوع سألتو على انه هايطلب فلوس وكده    قالها  انو بيعمل الموضوع ده لله  نفس اليوم بليل مراتى اتصلت بيا حوالى الساعة 2 بليل بتقولى انها بتسمع  اصوات ناس بتمشى فى الشقة وجرس الباب بيضرب تروح تشوف ماتلاقيش حد وان الولد الصغير بيعيط ويصرخ كل شوية ويشاور على اماكن مختلفة فى الشقة ومراتى بتبص مش بتشوف حاجه بعديها بيوم حوالى الساعة 3 ونص اليوم اللى بعديها صحيت على تليفون مراتى بتبلغنى ان والدتى عربيه خبطتها وهربت روحت اطمنت على والدتى   وبعدين روحت شغلى انا  مهندس كمبيوتر وعندى سيبر (انترنت كافيه ) العاب وكده روحت اول مافتحت بعديها بحوالى نص ساعة الكهرباء اتقطعت ورجعت على طول فى نفس الثانية 5 شاشات و 3 اجهزة اتحرقو مع ان الكهربا بتقطع وتيجى وعمر ماحل حاجه للاجهزة بالصدفة نفس اليوم كان فى ناس عايزين يتقدمو لخطوبة اخت مراتى وهما جيين والدة العريس تعبت فى الطريق واتصلو واعتذرو انهم مش جايين مراتى  شكت فى الموضوع وقالتلى انها هاتكلم الراجل ده وتحكيلو نفس اليوم بليل  مراتى اتصلت وهى مرعوبة وبتعيط وبتقولى انها وهى بتنيم الولد فى اوضوه النوم النور  قطع مع انها شايفة من الشباك ان فى نور برا فى الشارع عادى  وانها شافت حاجه داخلة عليها الجسم من فوق جسم حمار وعنيه حمرا والجسم من تحت جسم انسان  بس كله شعر اسود وهى كأنها اتحجرت فى مكانها تحاول تتحرك مش عارفة والاولد الصغير بيصرخ ويشاور عليها بس هى مش سامعة صوت الولد    سامعة بس صوت حركه خطوات الشىء اللى شافتو المهم الشى ده عدى من جنبها وبصلها بعديها مشى من جنبها لغاية اخر اوضه النوم وعدى من الحيطة واختفى  بعديها على طول الكهربا اشتغلت المهم قفلت وروحت اشوف ايه الموضوع طمنتها وهزرت معاها شوية وخليتها تتوضا وصلينا ونامت انا ماجليش نوم من التفكير وبدأت انى اسمع صوت الجرس وابص مالاقيش حد اعدنا حوالى اسبوع  كل شوية نسمع صوت الجرس بتاع الباب  بدأيظهر جوة الحمام دود طويل لونو اسود ويكون موجود فى الحمام ذباب لونو اخضر واحمر زى الموجود فى القابر مع ان الحمام بيتنضف على طول وكمان مقفول بسلك يعنى ماينفعش حشرات تدخل الحمام بعد الاسبوع مراتى اعصابها باظط فقولتلها انها تعد عند والدتها وطبعا  بدأت مشاكل كتير تحصل بينى وبينها وبين اهلها وبين اهلى المهم فى الفلوس والشغل والتعامل  مشاكل من غير سبب وبسبب وكانت هاتوصل للطلاق ةبدأت اخسر فى شغلى وهيا كمان كل العيلة تقريبا حصلها مشاكل كلها حوالين الفلوس المهم هى راحت عند والدتها وانا كنت ببات فى الشقة وكنت وانا نايم بحس فى حاجات بتعدى من جنبى اسمع صوت خطوات وفى يوم صوت الجرس  فضل يتكرر  وكنت هاتجن واخر ما اتجننت  من الجرس روحت فاصل الكهربا عن الشقة كلها وولعت الكشافات المشحونة روحت اعمل الاكل سمعت صوت الجرس مع انى فاصل الكهربا وكمان الكشافات فضلت تنور وتطفى مع انها مشحونه 100 %  فضلت اقرا سورة الكرسى والمعوذتين لغاية مانمت تانى يوم كلمت والدة مراتى ان فى حاجه غلط واننا نكلم الشخص ده  كلمنا وجه بعد حوالى 5 ايام المهم طلب ايشارب وزجاجة مياه قرا ايات على الزجاجة وبعدين لف الايشارب على رقبة مراتى زى العقدة وكان طرفين الايشارب من فوق وكان بيقرا  تقريبا ايات من سورة الصافات وسورة النور وسورة البقرة وكا بيكرر ايات كتير فى القرأن وكانت مراتى بترفض انها تسمع وكانت بتبعدو حوالى ساعة فجأة مراتى بدأ صوتها يتغير وتصرخ بصوت اول مرة اسمعو منها وهو كان بيقو اطلع هاحرقك بالصافات ويكرر ويقول هاحرقم ب    ويقول مثلا اية من سورة البقرة  وكل مايقرا قرآن صوت وشكل مراتى يتغير  وهو يزود فى الخنقة بتاعت الايشارب وبعد حوالى ساعة وربع وش مراتى بقى لونو ازرق ولسنها طلع انا افتكرت انها هاتموت وحاولت ااقرب بس لاقيت ان فى حاجه بتمنعى او بتشدى وترجعنى وهو كل شوية يزود الخنقة بتاعت الايشارب لغاية مرة واحدة سمعت كلام غير من الشخص ده وبيقول احرقة ياعبد الله امسكه يا أنس  كتفه يا محمد النور قفل فى الاوضة واشتغل تانى لاقيت مراتى على الارض ومرة واحده راحت قايمة  كأن مافيش حاجه حصلت ووشها رجع طبيعى تانى وبتقول فى ايه ايه اللى حصل ومستغربة ازاى كانت واقعة على الارض الاهم الشخص ده قالها انها تصلى و ماتفوتش فرض وتقرا سورة البقرة  و ق والكرسى وتشرب من زجاجة مياه هو قرا عليها وقالا ان الزجاجة ماتفضاش كل مايفضل حبه صغيرة تملاها تانى لمدة ماتقلش عن 40 يوم وقالها انه هايسيب تكليف او حارس  مش فاكر بالظبط  وقال لمراتى انه هايسيب جواها اميرة اسمها فاطمة هاتعرفها ايه الصح من الغلط  وانها اميرة مسلمة  هاتسعدها وتحميها  ولو فى اى سحر او غلط هايحصل لمراتى  الاميرة دى هاتبلغو  عشان يوقف اليحر ده  واداها القسم بتاع الاميرة  دى  مراتى ماكنتش مصدقة خدته معايا الشقة قعد يقول كلام مش مفهوم حوالى نص ساعة فى الشقة كلها وجه عندى المحل وطلب منى ان اكتب على كل اركان المكان اول سورة البقرة ( أ ل م ) المهم هو سافر بدأت الاحوال تتصلح المحل بدأت تقل والحمد لله بدأت اسدد جزء من ديونى وطلب من مراتى انها تقرأ سورة النور 6 او سمع مرات كل يوم وانها ماتعملش حاجه تغضب ربنا  هى بعد كل ده ماكنتش مصدقة وفى اسبوع بدأت تصلى كل الفروض وتقرا سورة النور زى ما قال بالظبط وفى اخر يوم من الاسبوع بدأت تقول قسم الاميرة وطبت من الاميرة تعمل اى حاجه تحسسها انها موجوده فعلا  وفلا حاست ان فى حاجة بتشدها من اديها وبتحرك صوابع اديها      بعد يومين الراجل ده اصتل وقالها  لازم تنفى الشقة والمحل بمياه وملح وعرق حلاوة وكده لان التكليف بالحماية اخره اسبوع المهم مراتى كسلت انها تعمل كدة عدى حوالى اسبوعين مراتى بدأت تسمع صوت الجرس تانى خافت  حوالت تتصل بالراجل ده   المهم قالها انتى اللى ماعملتيش ونضفتى المكان بملح وكده وقالها انو هاينزل تانى يشوف ايه الموضوع تانى يوم ببص على اللى كتبته فى اركان المحل اللى هو ( أ ل م ) مالاقتش اى حاجه من اللى كتبته   كله اتمسح  ازاى  ماعرفش وبدأت تحصل مشاكل تانى فى الفلوس والولد بدأ يعيط ويشاور تانى فى اى مكان نروحو   مش شرط الشقة بتاعتنا وفى يوم جه واحد جنبى فاتح محل   سألنى  هو انت هاتسيب المحل قولتلو لا قالى  اصل سمعت ان المحل بتاعك للبيع استغربت   انا بجدد ايجار المحل من 8 سنين عمرى ماسمعت ان صاحب المحل عايز يبيعو المهم بليل اولت الموضوع لمراتى مراتى طبعا زعلت وكده خصوصا ان ناقس على عقد الايجار شهرين بس اما انا مشيت هى قعدت مع نفسها قالت القسم اللى اداهولها الشخص ده حست انها عايزة تنام  اما نامت شافت ساحب الدكان بيتكلم مع واحد فى الشارع عنده برده محل وان الراجل ده بيعرش مبلغ 275 الف جنيه لشرا المحل وصاحب المحل عندى رفض وطلب 300 الف جنيه  تانى يوم الصبح مراتى قالتلى اللى حصل بس ماقلتليش مين بالظبط اللى عايز يشترى عشان ماعملش مشاكل وبدره  قالت اللى شافتو لوالدتها  بعديها بحوالى ساعة  صاحب الدكان حاول يتصل بيا  كان تليفونى مقفول اتصل على رقم والدة مراتى لانها شريكة معايا   فسألتو   هو انت عايز تبيع المحل ؟؟؟؟ قالها فعلا فى واحد كان عايز يشترى المحل ب 275 الف جنيه بس انا عايز ابيعو ب 300 الف المهم والده مراتى بدأت تشك ان فى حاجه غلط من جديد وبالصدفة رفت ان زوج واحدة معاها فى الشغل بيعرف فى مواضيع الروحانيات وكده الامهم خدت مراتى وراحتلو بدأ يقرأ سورة البقرة كلها ويطلب من مراتى تقرأها وراه تانى مرة بدأت ان مراتى تقول كلمات غلط فى السورة وبدأ الشخص ده ينفخ فى وش مراتى ويقول بصوت عالى اطلع يا جرجس اطلع يا حنا وبعد كده مراتى قالت انها ماكنتش عارفة تتحرك وبدا الراجل يرش مياه على وشها ويضغط على حواجبها ويقول هاحرقك بالصفات اطلع يا جرجس اطلع يا حنا بعد ما  مراتى فاقت ادالها مياه مقرى عليها وطلب منها تشرب المياه دى قبل كل صلاة وطلب واداها زجاجة تانيه قالها تقسميها على اتنين وتدوبيها بمياه وتستحمى بيها بره الحمام   وتشربى جوزك معاكى من اول زجاجه   انا اما شربت منها  اولا لونها لون الشربات وكمان طعمها زى الشربات  تانى يوم مراتى بدأت تحس بتعب جامد فى معدتها ومش مركزه فى اى حاجه ومالهاش نفس للاكل ومش بتنام بعد ما استحمت بالمياه دى مرتين  بدأت تغلط فى الكلام تنسى الصلاة تعبانة طول الوقت عنيها بتدمع من غير سبب وجسمها كل متكسر طبعا انا خفت عليها وخليتها تتصل   بأول شخص تشوف ايه الموضوع اول  مااتصلت  بيه      قالها  مش بتصلى  ليه ؟؟؟؟  وكمان انتى زعلتى الاميرة فاطمة ليه  دى جاتلى وزعلانة منك طبعا  كلام غريب وكل يوم مراتى حالتها بتسوء والشخص ااولانى مشغول مش عارف ينزل لان والدته بتعمل عملية وهو الوحيد اللى بيساعدها فى مرضها



انا اسف انى طولت عليكم كل اللى قولتو ده  والله العظيم اختصار   للى كان بيحصل     انا دلوئتى مش عارف   الشخص الاولانى والتانى دول ايه فلا روحانيين ولا سحرة ولا ايه الاتين ماخدوش فلوس الاتنين بيقرو قرأن الاتنين معروف عنهم انهم اشخاص متدينين وساعدو ناس كتير هل فعلا مراتى مسحورة ولا ممسوسة واللى بيحصل ده ايه سحر ولا عمل  ولا ايه   ياريت اللى يعرف تفسير يرد عليا  لان بجد انا ومراتى مش عارفين نعيش حياة طبيعية
**