ما كل من يركب على الخيل خيال

هذي قصيده أذهلتني بروعه كلماتها و معانيها

تقول:

ما كل من يركب على الخيل خيال

= ولا كل خيل تعجبك هـــــي أصيــــله

ولا كل من يعجبك هرجـــــه برجــــــال

= بعض العــرب ملــسون و إيـده بخيله

الكــــــــــل يلبس ثوب وشماغ وعقـال

= وعند اللزوم افعالهـــم هـــي قليــــله

الرجـــــل تثبت لـــــه أقاويـــل بأفعـــال

= لا قال شـــيء ونفـــذه هـو دلـــــــيله

والرجل لا شفته مــــــع القيـــل والقال

= أبعــــد عنه هذا صفاته عليـــــــــــــله

والكــــــذب خله عنك مـــــا فاد لو طال

= قول الصدق يا صاح غنم وجميــــــــله

وخلك شجــــــاع وذي صفات للأبطال

= اللــــي كما ســـيف تبارق سليـــــــله

واللي شــــــراك اشريه لو كان بالمال

= خلك معــــه وإن مــــــال دور بديلـــــه

واصبر ترى الـــــدنيا تبدل بها أحوال

= وما كل شيئ صافي تشـوفه تجي لـه

وبعد الكــــدر تشرب صفا عذب وزلال

= هذا الزمـــــن فيه استــــقامه وميله

وصاحب خليل لو جفـــا الوقت ما مال

= ترى الرجل يعرف بقيمـــــة خليــــله

واقفل على ســــرك بكتمـــــان وأقفال

= بعــــض العرب يسمع وينوي بحـــيله

وخلك أميــــن إذا توليت الأعمـــــــال

= من خان في يوم الحشـــر يا حليــــله

خل التواضــــــع فيك واضح بالأفعال

= ترى الكبــــــر يردي بيوم وليـــــــــله

ولا تحســـد اللي عنده أموال و عيال

= وش ينفعك لو كان حـــسدك يزيلــــه

ولا تزور تقلب الزيـــــــن بطــــــــال

= الله عليــــــم بالنوايــا الدخـــــيله

وخلك رزيـــــن ترى المخفه للأطفال

= واصفح عن المخــطي ولو زاد قيـله

واحمل همومك لو تزن وزن الأثقال

= بكره تروح وتنجلي لو ثقــــــــــــيله

وصل الفــــروض ولا تنسيك الأشغال

ما أحد (ن) في الدنيـــا درى وش بقيلــه

و زور الأقارب و للرحم كون وصـــــال

= وخلك عظيم الشان وسط القــبيـله

وصلاة ربي عد ما هل همـــــــــــــال

= على النبي اللي صفــاته جلـيلــه

منقول/ تقبلوا خالص التقدير و الإحترام

أختكم/ صابرة