اللطيف, الشيخ, الفجر
الفجر * عبد اللطيف آل الشيخ
الفجر
عبد اللطيف آل الشيخ
الفجر .. بابٍ بآخر الليل مفتوح
و عيّا النهار ينام و يصك بابه
الليل .. ستر اللي به القلب مفضوح
ليت الفجر ما جاه .. وشقق ثيابه
الفجرْ .. سوطٍ يجلد الليل ويبوح
بسر الظلام اللي غرس فيه نابه
إن جيت ابرجع .. غصب عنّي له آروح
و ان رحت له .. ضيّعت عمري و شبابه
بوقف بوجه الفجر .. لو راحت الروح
و اعلّمه إن الغلط في صوابه
و اعلّمه .. آسف .. و ممكن .. ومسموح
واعلّمه طعم السهر والكتابه
واعلّمه وشلون يخفي بنا جروح
و اعلّمه إن البقا .. في ذهابه
يا فجر .. باب الليل في المغرب يلوح
ودّع نهارك .. يفتح الليل بابه