لبوان, الشعر, اخييييييرا
اخييييييرا حل لبوان في الشعر
السلام عليكم
جبت ليكم واحد الطريقة باش تعتانيو بالشعر ديالكم خصوصا اذا كان طويل و ناشف فالأطراف
كنت قريتها فمنتديات فرنسية و جربتها و لاحظت الفرق
سميت الطريقة baggy method أو طريقة الكيس ههههه
ماعليناش، اذا كان شعرك مقصح بزاف ديريها كل نهار لمدة جوج أسابيع، أنا كانديرها فوقما كنغسل و ليلة نكون غادية الحمام
رشي شعرك بشوية الماء، و دهنيه بالبلسم المرطب ديالك و من بعد عاودي دهنيه بالزيت اللي بغيتي (الزيتون اركان اللوز.....) و جمعيه شفينجة و غلفيها بشي بوني ديال ميكة
الغد مشطي شعرك عادي و عاودي الطريقة فالليل
أنا منين كانكون غادية الحمام كانديرها و كانكتر المقادير (كننتختو هههههه)
Les pointes كيستافدو بزاف عن تجربة