تفوسيخة مجربة خدمة "السبع دْوَنات" لفك سحر التفريق حيت كترجع الحالة كيف كانت في الأول وأحسن
جبت ليكم اليوم واحد الخدمة قاطعة، ماشي غير كتفك السحر، بل كتجبدو من الجذور ديالو، وكتنحي بيه أي تفريق داروه ليكم الحساد والعديان.
هاد الخدمة كنسميها "ضربة السبوع"، حيت كترجع الحالة كيف كانت في الأول وأحسن.
هاد الخدمة يا بنتي كتصلاح لـ:
- سحر التفريق ما بين الحبيب وحبيبتو. - سحر التخريب بين الخطاب اللي تبدل حالهم فجأة وبلا سبب. - سحر الطلاق أو النفور ما بين الأزواج اللي كانت المودة بيناتهم وتحولت لعجاجة.
خدمة "السبع دْوَنات" لفك سحر التفريق
يا لالة، هاد الخدمة كلها سر في سر، وكتعتمد على 7 أيام ديال النية وقوة البحر اللي ما كيغلبو حد.
المكونات السبعة: غادي تشري يا بنتي 7 الدونات ديال البحر (الشمع العادي اللي كيتباع في السوق). ماتشطريش فالسومة، ديري نية القبول.
الكتابة: تشدي دوك 7 الدونات، وكتبي في كل وحدة فيهم:
اسمك واسم ميمتك (فلانة بنت فلانة).
اسمو واسم ميمتو (فلان ولد فلانة).
تبييت النية: تبيتي دوك 7 الدونات كاملين تحت راسك، معاهم شي تصويرة ديالو أو تصويرة ديالكم بجوج، تبات معاكم 3 أيام متتالية، باش يشربوا طاقتك ونية الرجوع.
وقت الخدمة: غادي تبداي نهار الإثنين، وكتكملي نهار الأحد. الدونة خاصك تذوبيها من الصباح حتى قبل العصر، يعني سالي خدمتك بكري.
ماء البحر الحكيم: تجيبي ماء البحر، ومن الأحسن يكون ديال 7 أمواج، حيت فيه حكمة الإبطال وقوة الجواد.
مهراز النحاس: جيبي مهراز ديال النحاس (عندو قوة في تفكيك السحر)، وحطي فيه التصويرة ديالو أو ديالكم بجوج.
الذوبان والتلاوة:
دوبي دونة واحدة كل نهار.
ملي تذوب الدونة وتولي سائلة، تشديها وتقراي عليها هاد الآية المباركة 7 مرات:
**
تكرري هاد لقراية 7 مرات كاملة.
ديري المهراز اللي فيه التصويرة وماء البحر بين رجليك.
وقفي بلا حوايج داخلية (بدون لباس داخلي)، باش تكون طاقتك الطبيعية هي اللي كتخدم.
تطفي الدونة المذوبة في داك المهراز اللي فيه ماء البحر.
يا لالة، ديري هاد الشي كل نهار، دونة واحدة، 7 مرات تلاوة، لمدة 7 أيام بالضبط.
ملي تكملي 7 أيام، تشدي داك الماء وداك الدون اللي بقاو في المهراز، وترميهم في البحر. البحر هو اللي غادي يبلع داك السحر ويمحيه من الوجود.
وعلى سلامتك يا بنتي، والله يبعد علينا شر الإنس والجن، ويرجع لك بوركابي مطاوع ومتحنن كيف كان!**