سلام لبنات هادي مني ليكم فخاطر كاع بنات الجواد و بنات العز الحرات اللي كايعرفو قيمة النقا وطهارة العتبة هههههههه.
يا لالة منين تكوني ناوية تخملي الدار ديالك ولا غادية تنتقلي لعتبة جديدة سمعيني مزيان:
غادي تاخدي قياسك من الملحة الحية تكون مدقدقة شوية وتبيتيها ثلاث ايام متتابعة فـ جميييييع القنات ديال الدار كلهم حتى المرحاض ما تغفلي عليهش!
ومن بعد ما تدوز ديك ثلاث ايام غادي تجمعي الما اللي كنتي مرقدة فيه السدر مدقدق فهاديك المدة ديال ثلاث ايام. وغادية تبداي تسيقي و تجري كلشي بالجهد بما فيه هاديك الملحة اللي درتيها فالقنات. وأنت خدّامة كتقراي اية الكرسي على كل قنت حتى تخرجي هادشي كلو وترميه فالقادوس ديال الزنقة ماشي ديال الدااار! انتبهي مزيان.
ومنين تسالي الخدمة وتعاودي النقا بخري العتبة بالتبخيرة السخونة: الفيجل و القزبر و الخزامة و ام الناس و العرعار و الشبة و الحرمل تخلطيهم كلهم مزيان.
جربوها وردو عليا الخبـــاار باش كلشي يستافد.
دعيوا معايا باش ربي يسهل الامور!