تفوسيخة بالملحة الحية والحلبة مجرباتها صديقة

شوفي يا ختي أنا درت هادشي اللي قالوا، عمرت كاس حياتي بالملحة الحية وخويته في نص سطل ديال الما وزدت عليه كاس ديال الحلبة وخليتهم بايتين حتى للصباح، وصفيت داك الما والحلبة نشرتها في الظل حتى يبسات وبقيت نتبخر بها كل نهار شوية حتى سالات، والما جففت به الدار كاملة ورشيت الركاني والعتبة، السيدة اللي عطاتها لي كتحلف بلي في ظرف 15 يوم تحلوا لها العكوسات وجاو الخطاب لبناتها، بصراحة أنا جربتها هادي شهر ومكاين حتى تغيير، عفاكم البنات اللي كتعرف هاد الوصفة واش هادي هي الطريقة ولا لا؟ وسؤال آخر واش كاس حياتي هو اللي الزاج ديالو رقيق بزاف كيكون في القهاوي؟