تعلمى سحر الحروف

البنات بغيت نهضر لكم اليوم على واحد العلم كيحمق ومحترم بزااف وفيه منفعة كبيرة للي هو علم الأرقام والحروف هاد الشغل راه كيدخل في كاع مجالات الحياة وفي أي حاجة طاحت لكم على البال وفيه أسرار عجيبة ومعاني كثيرة للي حتى أهل البيت عليهم السلام هضروا عليه في شحال من بلاصة وزايد عليه حتى علم الجفر وحتى من غير أهل البيت راه كانوا اليونانيين والإغريق كيخدموا بيه هادي آلاف السنين قبل الميلاد ومن أكبر العلماء والفلاسفة للي كانوا متبعين هادشي هو أفلاطون الحكيم للي عنده قواعد خاصة بيه في هاد العلم وأنا غادي نعطيكم القاعدة الأساسية للي ساهلة بزااف وهي الساس ديال هادشي كامل للي كتسمى بحساب الجمل الكبير يعني كنرجعوا الحروف أرقام بحال هكا على حساب ترتيب أبجد هوز الألف كتحسب بواحد والباء بجوج والجيم بثلاثة والدال بربعة والهاء بخمسة والواو بستة والزاي بسبعة والحاء بثمانية والطاء بتسعة والياء بعشرة والكاف بعشرين واللام بثلاثين والميم بربعين والنون بخمسين والسين بستين والعين بسبعين والفاء بثمانين والصاد بتسعين والقاف بمية والراء بميتين والشين بثلاثمية والتاء بربعمية والثاء بخمسمية والخاء بستمية والذال بسبعمية والضاد بثمانمية والظاء بتسعمية والغين بألف وهادا هو الترتيب ديالها فكل حرف عنده رقم كيتعرف بيه يعني بالحساب ديال الأرقام كيولي الاسم عبارة على مجموعة ديال الأرقام للي كتجمع باش تعطينا رقم واحد بحال مثلا إيلا بغينا نحسبوا اسم ياسر غادي نفرقوه ياء وألف وسين وراء الياء كتعطي عشرة والألف واحد والسين ستين والراء ميتين وكيولي المجموع ديال الاسم بالأرقام هو ميتين وواحد وسبعين ومن هاد الطريقة هادي تقدري تعرفي شحال من سر وخبايا دايرة بيك وما كتشوفيهاش في الواقع بحال إيلا حسبتي اسمك مع اسم أمك واسم هاداك للي غادي يتزوج بيك مع اسم أمه بنفس الطريقة للي قلت لكم وتجمعي الأرقام كاملة وتبداي تقسمي هاداك الرقم على واحد العدد تما كيبان ليك واش غادي تجمعي معاه في الحلال أولا لا وأنا ما بغيتش نذكر هاداك العدد للي كنقسموا عليه باش ما نطيحوش في شي إشكال ونفس هاداك الرقم للي خرج ليك في الحسبة الأولى إيلا قسمتيه على واحد العدد آخر كيبان شكون للي غادي يموت الأول واش الراجل ولا المرا وبالمناسبة هاد الطريقة راه جربوها على آلاف د الأسماء وكانت النتيجة خارجة صحيحة ومضمونة ومية في المية إلا جوج أسماء للي ما بغات تخرج ليهم حتى شي نتيجة في الحسبة حيت هادي من الخصائص ديال هاد الجوج أسماء للي هما علي بن أبي طالب ومولاتي فاطمة الزهراء وإيلا بغيتي عاوتاني تعرفي العفة ديال المرا ولا الراجل كتحسبي اسمها واسم أمها وتقسمي الرقم على عدد معين وتخرج ليك النتيجة نيشان وطبعاً هادشي للي قلت لكم راه غير من أبسط الأشياء في هاد العلم أما الحروف راه كل حرف عنده خادم قايم بالشغل دياله بحاله بحال  للي حتى هما عندهم خدام للي كيقوموا بالخدمة  كيفما هو معروف ومن خلال هاد الطريقة ديال حساب الجمل الكبير يعني ملي كنرجعوا الحروف أرقام هاد الخدام ديال الحروف هما باش كيداروا الحجابات والرقية والأحراز وطبعاً في هاد العلم ومن نفس الطريقة ممكن يداروا حتى الأعمال المحرمة ديال التفريق والعقد والخراب وداكشي ديال المحبة والجلب وعقد الراجل على مراته كلشي ممكن يدار بهاد الحساب.