الاذن الروحانى

البنات بغيت نهضر لكم اليوم على واحد الموضوع مهم بزااف للي نايض عليه قربال وتداخل كبير في المعلومات عند العضوات والحبابات ديال هاد العلم وحتى عند الشيوخ براسهم حيت الأغلبية فاهمين المعنى ديال الإذن الروحاني بالغلط وكيحساب لهم باللي الشيخ مثلاً كيعطي الخدمة دياله لشي حد يخدم بيها ومن بعد كيرجع يجرها منه وهاد الهضرة راه غاطة وما كايناش حيت الخدمة راه كتخدم غير هاداك للي خدمها نيت يعني كتخدم للي دار معاهم العهد ودخل الخلوة ديالهم وخذى منهم الميثاق باش يخدموه والمعنى الحقيقي ديال الإذن الروحاني هو أن الشيخ كيعطي الإذن للتلميذ دياله باش يخدم بـشي حاجة بحال آية أو اسم روحاني أو غيره وهاد الإذن ما كيكونش إلا إيلا كان الشيخ براسه ديجا خادم هاديك الآية ولا هاداك الاسم للي غادي يعطيه للتلميذة وهاد الإذن راه ما كيدير والو من غير أنه كيسهل على الطالبة الشغل بهاداك الاسم ولا الآية للي خذاها من عند شيخه وكيكون لهاد التلميذة بحال الظهر والمساند للي كيعاونها ويقويها وينقص عليها المدة ديال الخدمة ولا الرياضة الروحانية حيت الشيخ أصلاً راه كان شغال بهاداك الاسم ولا الآية من قبل أما إيلا كانت ما عندهاش حتى شي شيخ فخاصتها تقلب على شي شيخ يكون ثقة وموثوق فيه وإيلا كاع ما لقاتش فأحسن حاجة تديرها هي تتوكل على الله حيت هو للي كيرزق كاع الناس وهو سبحانه إيلا بغا يعلمك هاد العلم راه غادي تولي من أفضل الناس وإيلا ما بغاش ليك هاد العلم فوالله وخا تكونى تلميذة  ديال الشيخ أحمد البوني براسه ولا من الناس للي تلاقاو مع ملائكة السحر هاروت وماروت ما غادي تعلمى حتى شي حاجة حيت الله ما بغاش ليك هاد العلم وباغيك تكون في بلاصة أخرى.